Kala fadhi ay yeesheen golaha baarlamaanka wadanka Masar ee dowladda uu hogaamiyo Cabdil Fataax As-Siisi ayay ku meel mariyeen in dowladda Masar ay ciidamo u dirto wadanka Liibiya.
Kulan deg deg ah oo ay si lama filaan ah u yeesheen golaha baarlamaanka wadanka Masara ayay ku tilmaameen in dowladda ay u fasaxayaan in ciidamo ay u dirto Liibiya, halkaas oo ay ka soconayaan dagaallo u dhexeeya xukuumadda Al-Wifaaq iyo malleeshiyaadka Khaliifa Xaftar.
Baarlamaanka Masar ayaa si aqlabiyad ku ansixiyay qaraarkan, iyagoo sheegay in amniga Masaru u halis ku jiro, haddii xukuumadda Al-Wifaaq oo ay taageereyso dowladda Turkiga la wareegaan magaalada Sirta ee dalka Liibiya.
Fadhiga golaha baarlamaanka Masar isugu yimaadeen waxaa ka horeeyey kulan uu magaalada Al-Qaahira kula yeeshey madaxweynaha Masar Cadil Fataax As-Siisi odayaal la sheegay iney matalaan qabaa’ilka dega wadanka Liibiya.
Siisi ayaa odayaashas u ballanqaaday inu hubeynayo, iyaguna ay tahay iney ka qeybgalana dagaalka ka dhanka ah xukuumadda Al-Wifaaq oo ah mida ay aqoonsanyihiin dowladaha ku mideysan Qaramada Midoobay.
