Toogasho cusub oo geystay khasaare dhimasho ayaa ka dhacday koonfurta dalka Mareykanka sida ay sheegeen saraakiisha Booliska dowladda dalkaasi
Wararka ka imaanaya gobolka Texas ee dalka Mareykanka ayaa ku waramaya in ugu yaraan 4 ruux oo Ameerikaan ah lagu dilay toogasho ka dhacay magaalada Galena Park ee gobalkaas.
Sarkaal ka tirsan Booliska Texas oo u waramay saxaafadda ayaa sheegay in ruux hubeysan uu toogtay 4 ruux kuwaas oo isla goobta ku quur baxay, Wuxuu intaasi ku daray in goobta ay tageen ciidamada Booliska deegaanka iyadoo halkaasi baaritaano ka sameeyay.
Booliska Texas ayaa tilmaamay in ilaa hadda aan la ogeyn sababaha keenay weerarkaan toogashada ah oo ka dhacay habeenimadii xalay.
