Ciidamo hubeysan oo katirsan milliteriga wadanka Maali ayaa ku dhaqaaqa tallaabo afgembi ah oo ay talada kaga tuureen xukuumaddii ka jirtay wadankaas.
Ciidamo aad u hubeysan oo katirsan milliteriga ayaa la wareegay idaacadda iyo telefeshinka wadanka Maali, halka ay sidoo kale xabsiga u taxaabeen wasiiro katirsan xukuumadda iyo gudoomiyaha baarlamaanka wadankaas.
Saraakiil katirsan milliteriga wadanka Maali ayaa lagu soo waramayaa iney hogaaminayaan afgembiga, kuwaas oo u muuqda iney taageero ka heystaan dowlado Shisheeye oo ay ku jirto dowladda Faransiiska.
Waxaa xiran wadooyinka waaweyn ee magaalada caasimadda ah ee Bamako, dadkuna waxay ku jiraan guryahooda.
