Cabdullaahi Maxamed Rooble oo kamid ah nabadoonnada soo xulay baarlamaanka maamulka Koonfur-galbeed ayaa rag hubeysan waxay ku toogteen duleedka magaalada Muqdisho.
Rag hubeysan oo katirsan Xarakada Mujaahidiinta Al-Shabaab ayaa ninkan beegsaday isagoo maraya duleedka magaalada Muqdisho, gaar ahaan deegaanka Tabeellaha Sheekh Ibraahim ee dhaca duleedka Garasbaallay.
Xarakada Mujaahidiinta Al-Shabaab ayaa sheegatay mas’uuliyadda dilka Cabdullaahi Maxamed Rooble.
Magaalada Muqdisho waxaa marar badan ka dhacay howgallo lagu beegsanayo odayaasha ka qeyb qaatay soo xulista xubnaha Baarlamaanka, waxaana Xarakada Mujaahidiinta Al-Shabaab ay horay ugu hanjabtay iney meel weliba ku beegsan doonto cid weliba oo ka qeybqaatay soo xulista Baarlamaanka.
