Dowladda uu hogaamiyo Faladamir Butin ee dalka Ruushka ayaa jeedisay hanjabaad tii ugu cusleyd oo ku socota dowladda Maraykanka, tan iyo markii uu billowday dagaalka Suuriya ayna ku kala siyaasad duwanaadeen labadan dowladood oo sheegta iney yihiin awooda ugu sareysa Aduunka.
Afhayeenadda wasaaradda arimaha dibadda Ruushka haweeneyda lagu magacaabo Mariya Zakharofa ayaa sheegtay in haddii Maraykanku isku dayo inuu si milliteri ahaan u maquuniyo Nidaamka Bashaar ay jawaabta ay bixiso dowladda Ruushku noqon doonto mid gel gelisha gebi ahaanba mandiqadda.
Afhayeenadan oo hadleysay saacado kadib markii uu soo baxay cod si qarsoodi ah looga duubay wasiirka arimaha dibadda Maraykanka John Kerry kaas oo uu ku sheeganayay sida dowladda Ruushka isku hor taagtay siyaasadda Washighton ee ku aadan arimaha Suuriya, waxaana dhanka kale Kerry u codkan looga duubay si qarsoodi ah isago kulan la yeelanayay siyaasiyiin Suuriyaan ah ku sheegay in Maraykanku qaadi doono tallaabo kasta oo danihiisa ku fushan karo, waana midda keentay in Ruushku si deg dega ah uga jawaabo warkaas.
